BAKGRUNN (fra departementets EØS-notat, sist oppdatert 1.10.2019)

Samandrag av innhald
Den delegerte kommisjonsforordninga er utfyllande reglar til Europakommisjonen til europaparlaments- og rådsdirektiv 2014/65/EU (MiFID II). Føremålet med kommisjonsforordninga er å skape vidare rammer for registrering i vekstmarknad for små og mellomstore bedrifter (SMB-ar) som er utferdarar av ikkje-eigenkapitalinstrument. Dette er grunngjeven i at SMB-ar som utferdar ikkje-eigenkapitalinstrument (oftast utferdarar av gjeldsinstrument) typisk er større enn dei som utferdar eigenkapitalinstrument når det kjem til kriteria som vurderast for å takast opp på ein vekstmarknad for små og mellomstore bedrifter. Kommisjonsforordninga innfører også reglar om at operatøren av ein vekstmarknad for SMB-ar kan krevje at eit minstemål av aksjene i eit selskap som er registrert i vekstmarknaden skal handlast på vekstmarknaden. Dette har som føremål å auke likviditeten til aksjane og auke investeringsvilja.

Merknadar

Rettslege konsekvensar
Kommisjonsforordninga vil takast inn i EØS-avtala og gjennomførast i norsk rett ved inkorporering. Dette inneber at det i forskrift vil takast inn ei føresegn om at forordningen gjeld som norsk rett.

Økonomiske og administrative konsekvensar
Kommisjonsforordninga får inga nemneverdige økonomiske eller administrative konsekvensar for norske forhold.