BAKGRUNN (fra departementets EØS-notat, sist oppdatert 23.3.2021)

Samandrag av innhald
Den delegerte kommisjonsforordninga er utfyllande reglar til europaparlaments- og rådsforordning (EU) Nr. 600/2014 (MiFIR). Føremålet med forordninga er å unnta People’s Bank of China frå krav til gjennomsikt i handelar i MiFIR artikkel1(9) jf. artikkel 1(6). MiFIR artikkel 1(6) lempar på transparenskrava for transaksjonar der regulerte marknader, marknadsoperatørar og verdipapirføretak har eit medlem av den Det europeiske system av sentralbanker (ESSB) som motpart. Unntaket for gjennomsikt i handlar kan også utvidast til å gjelde sentralbankar i tredjeland, jf. artikkel 1(9), noko kommisjonen har vald å gjere for People’s Bank of China.

Merknadar

Rettslege konsekvensar
Kommisjonsforordninga vil takast inn i EØS-avtala og gjennomførast i norsk rett ved inkorporering. Dette inneber at det i forskrift vil takast inn ei føresegn om at forordningen gjeld som norsk rett.

Økonomiske og administrative konsekvensar
Kommisjonsforordninga får inga nemneverdige økonomiske eller administrative konsekvensar for norske forhold.

Sakkyndige instansar sine merknadar
Rettsakta er vurdera av spesialutvalet for kapitalbevegelsar og finansielle tenester, der vedkomne departement er representert. Spesialutvalet kom til at rettsakta er EØS-relevant og akseptabel.