BAKGRUNN (fra departementets EØS-notat, sist oppdatert 29.4.2020)

Samandrag av innhald
Vedtaket er ei oppheving av likeverdsvurderinga i kommisjonens gjennomføringsavgjerd 2014/248/EU som avgjorde at det rettslege og tilsynsmessige rammeverket for kredittvurderingsbyrå i Singapore var samsvarande med krava som stillast i europaparlaments- og rådsforordning (EF) nr. 1060/2009. Sjølv om regelverket framleis oppfyller krava i forordning (EF) nr. 1060/2009 oppfyller det ikkje tilleggskrava som seinare vart innførd i europaparlaments- og rådsforordning (EU) nr. 462/2013. Kommisjonen opphevar difor likeverdsvurderinga med gjennomføringsavgjerd (EU) 2019/1278.

Merknadar

Rettslege konsekvensar
Vedtaket vil gjennomførast i norsk rett ved å oppheve forskrift om likeverdighetsvurderinger etter kredittvurderingsbyråregelverket.

Økonomiske og administrative konsekvensar
Vedtaket får inga nemneverdige økonomiske eller administrative konsekvensar for norske forhold.

Sakkyndige instansar sine merknadar
Rettsakta er vurdert av spesialutvalet for kapitalbevegelsar og finansielle tenester, der dei departementa som rettsakta vedkjem er representert. Spesialutvalet fant rettsakta EØS-relevant og akseptabel.

Vurdering
Kommisjonsvedtaket reknast som EØS-relevant og er akseptabelt.